Rama jep lajmin e mirë: 14 pacientë të tjerë shërohen nga koronavirusi

Kryeministri Rama ka dhënë një lajm të mirë pak minuta më parë. 14 pacientë të tjerë janë shëruar sot nga koronavirusi.

“Lajm i Mirë: 14 TË SHËRUAR SOT”, shkruan Rama në Facebook, ndërsa lajmin e mirë e shoqëron dhe me një emoji me buzëqeshje.

Me 14 të shëruarit mbrëmjen e sotme, numri total i pacientëve të shëruar nga koronavirusi në Shqipëri shkon në 31. Ndërkohë, mbrëmjen e sotme ka ndërruar jetë në Spitalin Infektiv një 85 vjeçare, e cila kishte mbërritur pasditen e sotme me koronavirus.