Twitter i bllokoi llogarinë, Trump bën paralajmërimin e papritur


Presidenti i SHBA-së, Donald Trump ka paralajmëruar se do të hapë një platformë të re, pasi Twitter i bllokoi llogarinë.

Sipas njoftimit zyrtar te rrjetit social, Trump përbënte rrezik për nxitje të dhunës.

“Për shkak të disa postimeve të bëra nga Donald Trump në Twitter, ne kemi vendosur të bllokojmë llogarinë e tij me qëllim ndalimin e nxitjes së dhunës së mëtejshme përmes platformës tonë”, ka thënë kompania.

Më pas Trump tha se do të hapë një platformë ku nuk do të ndalohet fjala e lirë.

“Siç e kam thënë për një kohë të gjatë, Twitter e ka kaluar masën me ndalimin e lirisë së fjalës dhe tani, punonjësit e Twitter janë koordinuar me Demokratët dhe të Majtën Radikale për heqjen e llogarisë time nga platforma e tyre”,- shkroi Trump në një seri mesazhesh, të cilat nuk janë më të dukshme në rrjetin social.