“Me zor po pres” Rama tregon se kur do të nisë vaksinimi masiv në Shqipëri


Kryeministri Edi Rama ka mbajtur sot një konferencë me gazetarët ku ndër të tjera është diskutuar dhe për situatën e pandemisë në vendin tonë.

Ndër të tjera ai foli dhe për vaksinimin masiv, duke u shprehur se do të nisë shumë shpejt.

” Shumë shpejt do të fillojmë vaksinimin masiv, është çështje kohe shumë e shkurtër, jemi shumë afër dhe më vjen keq që nuk mund të them fjalën e fundit dhe mezi pres të them fjalën e fundit”, tha Rama.

Ndër të tjera ai ka bërë me dije se nuk mund të japë shumë detaje, por jemi shumë afër procesit pasi me zor pret ta thotë fjalën e fundit.

“Është e qartë që vaksinimi është armë për të thyer zinxhirin e infeksionit, për ta kthyer vendin në një vend pa COVID19. Është frymëzuese ajo që po ndodh në Izrael e Britani, ku Izraeli po shkon drejt hapjes konstante, pasi e parapagoi trefish gjë që nuk e bëri asnjë vend tjetër, nga kompanitë Pfizer dhe Moderna, në procesin e vaksinimit.

Britania e Madhe është faktikisht ku edhe lindi njëra nga vaksinat dhe pati avantazhin e një fillimi intesiv të vaksinimit dhe sot disponon të gjitha dozat dhe kryeministri njoftoi hapjen në prill të stadiumeve me 10 mijë persona, dhe hapjen përfundimtare në qershor të stadiumeve. Për këtë arsye jam me mish e me shpirt i angazhuar që sa më shpejt të mund të kemi vaksina për të hyrë në fazën finale, për tu çliruar nga ky makth.

Vetëm vaksinimi do ta zmbrapsë përfundimisht. Dua të gjithë të jenë të sigurt që siç siguruam marrëveshjen me Pfizer jashtë radhe, ashtu sikundër arritëm të fusim në proces dhe të përmbyllim brenda javës së dytë të marsit, vaksinimin e të gjitha bluzave të bardha, shumë shpejt do të nisim vaksinimin masiv. Është çështje kohe, s’jap dot më shumë detaje, por jemi shumë afër. Mezi pres ta them fjalën e fundit”, deklaroi kryeministri në fjalën e tij.