“Meritojnë notën 10” Topalli prezanton kandidatët e partisë së saj për Tiranën: Lista më e mirë e 3 dekadave


Ditën e sotme partia “Lëvizja për ndryshim” nën drejtimin e ish-kryeparlamentares Jozefina Topalli ka prezantuar kandidatët për deputetë në Tiranë për zgjedhjet e 25 prillit.

Në fjalën e saj, Topalli u shpreh se përtej treshes që sipas saj qeveris sot Shqipërinë, Rama-Basha-Meta vendi ka dhe njerëz të tjerë që mund të udhëheqin.

Sipas saj, lista e “Lëvizjes për ndryshim” është më e mira e 3 dekadave me profesionistë dhe të pakorruptuar.

‘Përtej Edi Ramës dhe Bashës së bashku me Metën ka 3 milionë shqiptarë të tjerë, njerëz të tjerë që mund të qeverisin. Ata mendojnë se janë të përjetshëm në pushtet, mirëpo gabojnë. Sot prezantohet 10-shja e parë e listët së Tiranës, në ditët në vijim do të prezantojmë dhe të tjerët në qarqe. Kjo që prezantojmë është lista më e mirë e 3 dekadave, janë të pakorruptuar, janë dinjitoz.

Ata të tre janë përgjegjësit që në Shqipëri s’ka shpresë dhe një të djathtë reale. Përgjegjësit e polarizimit politik dhe ekonomik të Shqipërisë. Ftesa jonë nuk është për ato që nuk ndryshojnë mendje, por ftojmë mendje hapurit, të ndershmit, çdo të ri, prind që duan t’i kthejnë dinjitetin çdo shqiptari. Kjo është lista më e mirë e tre dekadave me profesionistë të nderuar, mjekë e të rinj të shkëlqyer. Janë të pakorruptuar, dinjitozë, njerëz me kurajo”,- tha ish-kryeparlamentarja.

LISTA E EMRAVE:

Elida Hoxha, pedagogeRobert Çitozi, profesor
Lorenc Radovani, pedagog
Meri Krisaq Lalai, pedagoge/redaktore
Stela Jakova, menaxhim biznesi
Aben Basho, pedagog/botues
Lek Negri, pedagog
Franceska Memia
Jonuz Osmanhagaj
Polikron Polluçi, mjek
Daniela Kavaja