Pezullimi i fluturimeve, Kreshnik Spahiu: Të pakënaqur që rroga 4000 euro iu shkurtua disa muaj! Por çfarë ndodhi në vendet e tjera nga kriza e virusit


Ka reaguar edhe juristi Kreshnik Spahiu në lidhje me pezullimin e fluturimeve në Rinas për shkak se kontrollorët ndaluan punën duke shpallur paaftësi, me arsyetimin se janë të stresuar si pasojë e shkurtimit të pagave.

Me një shënim në Facebook, Spahiu sjellë disa raste nga vende të ndryshme të botës, ku kompanitë ajrore u detyruan të shkurtonin personel, apo edhe u mbyllën, si pasojë e krizës që solli pandemia e COVID.

E ndërsa kontrollorët shqiptarë janë të pakënaqur që rroga 4000 euro, ju shkurtua disa muaj në 2400 euro.

“Lufthana ka nxjerrë 60% personelit pa punë,

Alitalia ka shkarkuar 30% personelit,

Në Berlin u mbyllën 2 aeroporte: Tegel dhe Schönefeld. 100% e kontrolleve gjerman dolën papunë.

British-Airway ka shkurtuar 28% punonjësit.

Afro 20 kompani fluturimi kanë shpall falimentin.

Zyrtarisht fluturimet në 2021 janë ulur 50% për shkak të Pandemisë.

Kontrollorët shqiptar janë të pakënaqur që rroga 4000 euro, ju shkurtua disa muaj në 2400 euro”, shkruan Spahiu.