“Mos flisni pa argumente, Brataj debat me mjeken, Boçari: Kjo s’quhet vaksinë


Drejtori i Urgjencës Kombëtare Skënder Brataj debatoi në Open me mjeken Mimoza Boçari, pasi ajo tha se ishte kundër vaksinës me detyrim dhe madje vaksina e Covid-19 nuk meriton as të quhet vaksinë.

Pjesë nga debati:

Mimoza Bocari: Jam pro vaksinës, por kundër asaj me detyrim dhe kjo nuk e meriton emrin vaksinë. Kam shumë dyshime, që në fillim propaganda që u bë ishte e pashembullt, u shpall pandemia për një sëmundje që nuk ka përmsata e pandemisë. Në një kohë që njerëzit vuajnë nga shumë gjëra del covid si arsyeja kryesore që po vret njerëzit. Le të marrim si shembull cigaret etj me radhë. Tani për të rritur imunitetin, mjafton të jetojmë shëndetshëm. Covidi doli që nuk ka pasoja aq dramatike sa u tha në fillim. Tani vaksina lehtëson klinikën e sëmundjes, por tani nëse unë jam një njeri me imunitet natyral pse duhet të vaksinohem. Ajo që më shqetëson është që ne nuk bëhemi dot një për të mirën e njerëzimin.

Skënder Brataj: Informohuni dhe përditësohuni zonjë. Nuk mund të flisni ju si mjeke për vaksinimin pa argumentuar. Nuk është koronavirusi i pari. Ka pasur dhe vaksina të tjera. Nuk mund të thuash se nuk është pandemi kjo…

Mimoza Boçari mjeke: A keni kod etike?

Skënder Brataj: Kujt i thoni kod etike?

Eni Vasili: Jemi në emision televiziv.

Mimoza Boçari: Këtu përdoren terma që nuk i dini. Nuk njoh ekspertë vaksinimi.

Skënder Brataj: Nuk njihni ekspert vaksinimi?

Mimoza Boçari: Ka një moderatore aty.

Eni Vasili: Nuk ju akuzoi askush zonjë për teori konspirative.

Mimoza Boçari: Nga ana politike ishte një super aksion. Nga ana shkencore është ende vaksinë eksperimentale.

Skënder Brataj: Jo nuk mund të thoni ashtu, sepse është e certifikuar.

Mimoza Boçari: Prodhuesit thonë se është vaksinë në kushte eksperimentale. Kjo vaksinë ka shfaqur shumë komplikacione. Ka vdekshmëri.